АНУ-ын Тагнуулын албанаас ОХУ нөлөөгөө олж авахын тулд 2014 оноос хойш гадаадын улс төрийн нам, нэр дэвшигчдэд 300 сая ам.доллар нууцаар илгээсэн тухай мэдэгджээ. Мөн эх сурвалжийн хэлснээр 300 сая ам.доллар нь байж болох хамгийн бага тоо бөгөөд ОХУ-аас гаднын орнууд руу илгээсэн илрээгүй их хэмжээний хөрөнгө байх магадлалтай аж. Жо Байдены захиргааны албаны хүний мэдээллээр АНУ дээрх асуудалтай холбоотой мэдээлэл, судалгаагаа 100 гаруй орны Засгийн газартай хуваалцаж байгаа юм байна.

Ташрамд дурдахад, ОХУ-ын Ерөнхийлөгч Владимир Путин 2016 оны АНУ-ын Ерөнхийлөгчийн сонгуульд нэр дэвшиж байсан Трампыг дэмжихийн тулд хөндлөнгөөс оролцсон тухай мэдээлэл олон улсын хэвлэлүүд түгж байсан юм.