• Өнөөдөр 2022-08-20

Ачааны автомашинаас 53 цогцос олдсон хэрэгт холбогдсон таван сэжигтний буруутайг тогтоовол цаазаар авна гэв

2022-06-30,   196

АНУ-ын Техас мужийн Сан-Антонио хотын захад хаягдсан ачааны автомашинаас олон тооны цогцос олдсон талаар бид өмнө нь мэдээлсэн. Тэгвэл шинэ мэдээллээр ачааны автомашинаас олдсон цогцсын тоо 53 болжээ.

Дээрх хэрэгт холбогдуулан өчигдөр Мексикийн хоёр иргэн, АНУ-ын нэг иргэнийг баривчилж, мөрдөн шалгах ажиллагааг эхлүүлсэн. Тэгвэл өнөөдөр ачааны автомашинаас олон тооны цогцос олдсон хэрэгт дахин хоёр эрэгтэй яллагдагчаар татаж, шалгаж эхэлсэн байна.

 

АНУ-ын Хууль зүйн яамны албаны эх сурвалж хэрэгт яллагдагчаар татсан таван хүний буруутайг тогтоовол цаазаар авах ял ногдуулах талаар мэдээлжээ.

 

Ачааны автомашинд овоолоотой байсан цогцсууд хүрэхийн аргагүй халуун байсныг автомашинд анх очсон тусгай албаныхан мэдэгдсэн. Одоогоор амьд үлдсэн 16 хүнийг хэрэг болсон газрын ойролцоох эмнэлэгт хэвтүүлэн эмчилж байгаа юм.

 


Ачааны автомашинаас 53 цогцос олдсон хэрэгт холбогдсон таван сэжигтний буруутайг тогтоовол цаазаар авна гэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188