Одоогоор сармагчны цэцэг өвчний халдварын нийт 2500 гаруй тохиолдол дэлхийн 35 улсад бүртгэгдээд байна. Тэгвэл сармагчны цэцэг өвчний анхны тохиолдол илрүүлснээ Сингапур, Өмнөд Солонгосын эрх баригчид өчигдөр мэдээлжээ. Сингапурт илэрсэн тохиолдол нь энэ сарын дундуур тус хот улсын чиглэлийн нисэх онгоцонд үйлчлэгчээр ажиллаж байсан Их Британийн иргэн, 42 настай эрэгтэй юм байна.

Өвчтөн одоо Сингапурын Халдварт өвчин судлалын үндэсний төвд хэвтэн эмчлүүлж, биеийн байдал нь хэвийн байгаа гэнэ. Түүнтэй хавьтал болсон 13 хүнийг илрүүлэн хамгийн сүүлд уулзсанаас нь хойш 21 хоногийн хугацаатай тусгаарласан байна.

                    Мөн өчигдөр Өмнөд Солонгосын Эрүүл мэндийн яамнаас гаднын ирсэн хоёр хүнээс сармагчны цэцэг өвчний вирус анх удаа илрүүлснээ  мэдээлсэн байна. Энэ сарын эхээр тус улс сармагчны цэцэг өвчнийг хоёрдугаар төвшний халдварт өвчний ангилалд албан ёсоор бүртгэсэн юм. Уг өвчин нь ковид, холер, салхин цэцэг зэрэг бусад 22 халдварт өвчинтэй нэг ангилалд орсон байна. 

Эх сурвалж: CNN