Шанхайн нефть, химийн үйлдвэрт их хэмжээний дэлбэрэлт болж гал унтраах ангийнхан шуурхай ажиллаж байна гэж мэдээлэв. Жин Шан дүүрэгт байрлах нефтийн үйлдвэрт бямба гарагийн өглөө 04:00 гал гарсан бөгөөд аюулгүй байдлын албаныхан яаралтай тусламж үзүүлж байна гэв.

Дэлбэрэлтийн шалтгаан одоогоор тодорхойгүй байгааг мэдээллээ. Мөн тус химийн байгууламжийн хэд хэдэн газарт дэлбэрэлт  болж  гал гарсан бөгөөд одоогоор амиа алдсан иргэдийн тоог мэдээлээгүй байна.

    Гал гарч буй бичлэг интернэт сүлжээгээр цацагдсан байна. Бүс нутгийн иргэдийн яриагаар, дэлбэрэлтээс үүдэн  гэртээ байсан хүмүүст газар хөдлөлт мэдэгдсэн байна. Шанхайд гарсан энэхүү сүр дуулиантай дэлбэрэлтийн улмаас бүс нутгийн иргэд, гэр бүл, гэр орноо орхин явахаас өөр аргагүйд хүрчээ.