АНУ өнгөрсөн лхагва гарагт хүүхдэд зориулсан "Ковид-19"-ийн вакциныг Монгол Улсад хандивлахаа зарлажээ. АНУ-ын Төрийн нарийн бичгийн дарга Антони Блинкен НҮБ-ын "Ковакс" хөтөлбөртэй хамтран 5-12 хүртэлх насны хүүхдэд зориулсан 2.2 сая тунг Балба руу, 300 мянган тунг Монгол Улс руу илгээх аж.

АНУ "Ковид-19"-ийн вакциныг эх орондоо тарьж дууссаныхаа дараа гадаад улсууд руу хандивын тусламжаар илгээж эхэлсэн бөгөөд энэ долоо хоногт 550 сая тунг гадаадын улс орнуудад  хүргэсэн гэнэ.