Хойд Солонгосын газар тариалангийн бүс нутагт гэдэсний тахал дэгджээ. "Ковид-19" цар тахлын шинэ давлагаатай, хүнсний архаг хомстолтой тэмцэж байгаа БНАСАУ-ын нөхцөл байдлыг шинэ төрлийн тус гэдэсний тахал улам хүндрүүлж болзошгүйг мэргэжилтнүүд анхааруулж байгаа юм. Одоогийн байдлаар шинэ төрлийн гэдэсний тахлаар хэдэн хүн халдварлаад байгаа талаар тодорхой мэдээлэлгүй байна.

                    Шинэ төрлийн тахлын талаар Хойд Солонгосын удирдагч Ким Жон Ун "Сэжигтэй тохиолдлуудад хорио цээрийн дэглэм тогтоож, тархалтыг эпидемиологийн шинжилгээ, шинжлэх ухааны туршилтаар баталгаажуулж, өвчнийг аль болох богино хугацаанд таслан зогсоох шаардлагатай" гэжээ. Тахлын тархалтыг хумихын тулд усан хангамжийн эх үүсвэрийг халдваргүйжүүлэхээр ажиллаж байгаа аж.