Нэгэн япон эр “Би хүүхэд байхаасаа нохой болох мөрөөдөлтэй байсан. Тэр мөрөөдөл минь биелсэн” гэж цахим хуудастаа нийтэлсэн нь олон нийтийн анхаарлыг татаад байна. Нохой болох мөрөөдөлтэй япон эрийг Токо гэх бөгөөд мөрөөдлөө биелүүлэхээр хоёр сая иен буюу 12 мянга гаруй ам.доллар зарцуулжээ.

Түүний нохойны өмсгөл, багийг Японы “Zeppet” гэх компани хийсэн бөгөөд нохойны хувцас бодит мэт болсон нь олны анхаарлыг татжээ. Хэдхэн цагийн дотор “Zeppet” компанийн дагагчдын тоо эрс нэмэгдэж, тус компаниас дахин энэ төрлийн захиалга хүлээн авахаа мэдэгдсэн аж.