• Өнөөдөр 2024-03-28

Ерөнхий сайдынхаа суудлаас бууж байгаа Махиндагийн гэр рүү иргэд дайрч, мөргөлдөөний үеэр долоон хүн амиа алджээ

2022-05-10,   411

                 Шри Ланка Улс эдийн засгийн хямралд өртөж, дотоодод шатахууны үнэ нэмэгдэж, бараа, бүтээгдэхүүний үнэ өсөж байгаатай холбоотойгоор иргэд улсынхаа төв талбайд эсэргүүцлийн жагсаал хийж байгаа талаар бид мэдээлсэн. Тэгвэл эсэргүүцлийн жагсаал болж байх үеэр Засгийн газрын дэмжигчид мод, төмрөөр зэвсэглэн орж ирж жагсагчдыг зодож, босгосон майхнуудыг нурааж, шатааж байгаа дүрс бичлэг цахим сүлжээгээр тархсан. Үүнтэй холбоотойгоор Шри Ланка Улсын Ерөнхий сайд Махинда Ражапакса жагсаал, үймээнийг зогсоохоор хөл хорио тогтоох шийдвэр гаргасан. Уг шийдвэрийг гаргасныхаа дараа Ерөнхий сайд Махинда Ражапакса огцорч байгаагаа албан ёсоор зарласан юм.

Тэгвэл Ерөнхий сайдын суудлаасаа бууж байгаа Махинда Ражапаксагийн гэр рүү өнгөрсөн шөнө иргэд дайрч, удаа дараа хүч хэрэглэн нэвтрэх гэж оролдсон байна. Харин үймээнийг зогсоохоор Шри Ланка Улсын зэвсэгт хүчин дайчлагдаж, бүхэл шөнийн турш Ерөнхий сайд асан Махинда Ражапаксагийн гэрийн гадна мөргөлдөөн болсон аж. Албаныхны мэдээлснээр мөргөлдөөнийг дарахаар зөвхөн нулимс асгаруулагч хий ашигласан гэж мэдээлсэн. Гэсэн хэдэн цагийн турш үргэлжилсэн ширүүн мөргөлдөөний үеэр долоон хүн амиа алдаж, 217 хүн хүнд, хөнгөн шархадсан талаар орон нутгийн эрүүл мэндийн албанаас мэдэгдэв.

 

 


Ерөнхий сайдынхаа суудлаас бууж байгаа Махиндагийн гэр рүү иргэд дайрч, мөргөлдөөний үеэр долоон хүн амиа алджээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188