БНХАУ-ын зүүн бүсийн Жэжян мужид орших Жоушань хотод тэнгэр час улаан өнгөтэй болсон хачирхалтай үзэгдэл болж, олон сая хүний анхаарлыг татаад байна. Уг үйл явдал өнгөрсөн шөнө болсон бөгөөд Жоушань хотын нэгэн оршин суугч улаан тэнгэрийг дүрс бичлэгт буулгаж, цахим сүлжээнд цацсан нь өдгөө хэдэн зуун сая хүнд хүрчээ.

               Өнгөрсөн амралтын өдрүүдэд Жоушань хотод манантай, үүлэрхэг, зарим үед хур тунадас орж байсан талаар албаныхан мэдэгдсэн. Харин орон нутгийн хэвлэлээр мэдээлснээр Жоушань хотын боомтод зогссон олон хөлөг онгоцны гэрлийн хугарал, тархалтаас үүдэлтэй гэж мэдээлсэн байна.