Куба Улсын нийслэл Хавана хотын төвд дэлбэрэлт болжээ. Тодруулбал, өнгөрсөн баасан гарагт тус хотын төвд байрлах “Саратога” гэх зочид буудалд дэлбэрэлт болж, дэлбэрэлтийн улмаас 32 хүн амиа алдаж, 19 хүн сураггүй болоод байгаа юм.

               Нийслэл Хавана хотын төвд болсон дэлбэрэлтийг Куба Улсын Ерөнхийлөгчийн Тамгын газраас “Хий алдсаны улмаас дэлбэрэлт боллоо” гэж мэдээлсэн байна. Урьдчилсан мэдээллээр амиа алдсан иргэдийн дунд жирэмсэн эх, бага насны хүүхдүүд ч байсан аж. Мөн дэлбэрэлтийн улмаас 64 хүн хүнд, хөнгөн бэртэж, гэмтсэнээс 14 нь бага насны хүүхэд байжээ.