ОХУ-ын цэргүүд Украины Буча хотод энгийн иргэдийн олноор хөнөөж, дайны гэмт хэрэг үйлдсэн гэх мэдээлэлтэй холбоотойгоор АНУ болон Европын холбооноос ОХУ-ын эсрэг нэмэлт хориг арга хэмжээ авахаар болжээ.

             Энэ талаар Цагаан ордны Хэвлэлийн нарийн бичгийн дарга Жен Паски “ОХУ-д шинээр хөрөнгө оруулахыг хориглож, тус улсын санхүүгийн байгууллагууд, Кремлийн албаны хүмүүс болон тэдний гэр бүлд хориг арга хэмжээ авна” гэж мэдэгдсэн байна. Тэгвэл Америкийн “Wall Street Journal” сэтгүүлээс “Вашингтоноос ОХУ-ын Ерөнхийлөгч Владимир Путины хоёр охин болон Оросын хамгийн том банк Сбербанкны эсрэг нэмэлт хориг арга хэмжээ авахаар хэлэлцэж байгаа” талаар мэдээлжээ.