Ирланд Улсын нийслэл Дублин хотод монгол эмэгтэй бусдын гарт амиа алдсан харамсалтай хэрэг өнгөрсөн онд гарсан. Талийгаач Ц.Уранцэцэгийг хөнөөсөн хэрэгт сэжигтнээр татагдсан 16 настай ирланд хүү өчигдөр хэргээ хүлээжээ.

                Хэргийг эргэн сануулбал, 2021 оны нэгдүгээр сарын 20-ны оройн 21:30 цаг орчимд талийгаач Ц.Уранцэцэгийг Дублин хотын IFSC дахь гудамжинд явж байхад нь дээрэмдэж, хүзүү тус газар нь хутгалсан. Талийгаачийг хэрэг гарсан газрын ойролцоо орших “Матер” эмнэлэгт хүргэсэн ч өвчнөө дийлэлгүй амиа алдсан юм. Хэрэг гарсан өдөр сэжигтэн хүүг баривчлахдаа сэтгэцийн өвчтэй байж болзошгүй гэж дүгнэн сэтгэцийн эмнэлэгт хүргэж байв.

Ц.Уранцэцэг нь 49 настай, Дублин хотод гэр бүлийн хамт суурьшин амьдарч, цэвэрлэгчийн ажил эрхэлдэг байсан болохыг тус улсын цагдаагийн байгууллагаас мэдээлсэн юм.