Өнөөдрөөс яг нэг сарын өмнө ОХУ-ын арми Украин руу довтолж, цэргийн бааз, зэвсгийн агуулахуудыг нь бөмбөгдөж эхэлсэн. Тэгвэл энэ хугацаанд зөвхөн Украины нийслэл Киев хотод 264 энгийн иргэн амиа алдсан талаар тус хотын дарга Виталий Кличко цахим хуудсаараа дамжуулан мэдээлжээ.

            Киев хотын дарга Виталий Кличко “Дайны өмнө нийслэл Киев хотод гурван сая орчим хүн амьдардаг байсан бол одоо олон мянган хүн дүрвэсний улмаас бараг тал хувьдаа хүрсэн. Оросуудын дайралтын улмаас 264 энгийн иргэн амиа алдаж, 300 гаруй хүн хүн шархдаж, 80 гаруй барилга, байгууламж сүйдсэн” гэсэн байна.