ОХУ-ын Батлан хамгаалах яамнаас гуравдугаар сарын 18-ны өдөр Украин Улсад шинэ төрлийн дуунаас хурдан пуужин ашигласан талаараа мэдэгджээ. Албан мэдээллээр “Кинжал” гэж нэрлээд буй шинэ төрлийн дуунаас хурдан пуужинг Украины Ивано-Франковск мужийн Делятин тосгон дахь цэргийн зэвсгийн агуулахыг устгахад ашиглаж, ажиллагаа нь амжилттай болсон гэнэ.

          2018 онд ОХУ-ын Ерөнхийлөгч Владимир Путин парламентын хурлын үеэр “ОХУ хэт авианы хурдтай ялагдашгүй байлдааны пуужин бүтээсэн” гэж хэлж байжээ. Дуунаас хурдан “Кинжал” пуужинг МиГ-31 сөнөөгч онгоцоор харвасан нь “Юутай ч зүйрлэшгүй хүч чадалтай болсон” талаар ОХУ-ын Батлан хамгаалах яамнаас мэдэгдсэн байна.