Их Британийн Батлан хамгаалах яамнаас Укрианд явуулсан тагнуулын ажиллагаатай холбоотой мэдээлэл хийжээ. Уг мэдэгдэлд Оросын хуурай замын цэргийн хүчний дийлэнх хэсэг нь Украины нийслэл Киев хотоос 25 километрийн зайд байрлаж байгааг онцолсон байна. Хамгийн сүүлийн мэдээллээр Украины Харьков, Чернигов, Сумы, Мариуполь зэрэг хот Оросын цэргийн хүчинд бүслэгдсэн хэвээр байгааг “BBC” агентлаг мэдээндээ дурджээ.

Мөн Киевт ажиллаж буй “CNN” агентлагийн сурвалжлах баг өнөөдөр буюу гуравдугаар сарын 12-ны өглөө Украины нийслэл орчимд хоёр хүчтэй дэлбэрэлт болсон тухай мэдээлэл ирүүлсэн байна.