Цагаан ордноос ОХУ, Украины мөргөлдөөнд оросууд химийн зэвсэг хэрэглэж болзошгүй талаар мэдэгдлээ. Энэ талаар Цагаан ордны Хэвлэлийн нарийн бичгийн дарга Жен Псаки “Оросын арми Украинд хими, биологийн зэвсэг хэрэглэж болзошгүй. Иймд химийн зэвсгээс сэрэмжтэй байвал зохистой” гэсэн байна.

Мөн тус мэдэгдлийн үеэр цахим сүлжээнд тархаад байгаа “АНУ Украинд химийг зэвсэг бүтээж байгаа” гэсэн мэдээллийг үгүйсгэжээ. Уг асуудалд Цагаан ордон “АНУ Украинд химийн зэвсэг бүтээж байгаа гэх худал мэдээллийг оросууд тарааж, БНХАУ ухуулгыг нь дэмжиж байгаа” тухай мэдэгдсэн аж.