Европын холбооны гишүүн орны удирдагчид хуралдаж, ОХУ-ын эсрэг агаарын тээвэр, нисэх онгоцнуудыг хоригложээ. Уг шийдвэрийн талаар Европын холбооны Ерөнхийлөгч Урсула фон дер Лейен “Оросын ямар ч онгоц Европын холбооны нутаг дэвсгэрийн дээгүүр нисэх, газардах боломжгүй болсон. Энэ хориг Оросоос нисэх гаднын онгоц, тусгай үүргийн нислэгүүдэд ч хамаатай” гэсэн байна.

          Мөн Европын холбооны хуралдаанаас Оросын мэдээллийн агентлагуудыг хориглосон талаар тус холбооны тэргүүн дипломат Жозеп Боррел мэдэгдэв. Уг хоригт ОХУ-ын олон улсын мэдээллийн томоохон агентлаг болох “Russia Today”, “Sputnik” багтаж байгаа юм.

Эх сурвалж: CNN