ОХУ, Украины мөргөлдөөнтэй холбоотой хамгийн сүүлийн мэдээллээр Оросын армийн явган цэргүүд Украины өмнөд бүсэд орших Одесса, Мариуполь хот руу нэвтэрсэн байна. Мөн Украины Дотоод хэргийн яамны мэдээллээр Оросын арми Украины нийслэл Киев хотын ойролцоох цэргийн штаб, нисэх онгоцны буудлуудыг бөмбөгдөж эхэлжээ. Украины албаныхны мэдээллээр Оросын арми Украины зүүн болон өмнөд нутгийн 10 бүс рүү дайрч, хүчтэй цохилт өгч байгаа юм.