“ОХУ Украины хил орчимд 100 мянга гаруй цэргээ байрлуулаад байгаа” талаар барууны хэвлэлүүд мэдээлсэн. Уг мэдээлэлд зарим орон эсрэг байр сууриа илэрхийлж, зарим нь нотлох баримт шаардаж байсан юм.

          Тэгвэл АНУ-ын сансрын технологийн “Maxar” компани хиймэл дагуулаас Украины хилд хуарагнаад байгаа ОХУ-ын бүрэн зэвсэглэсэн армийн зургийг даржээ. Мөн сүүлийн өдрүүдэд “ОХУ-аас цэргүүдээ татаж байгаа” гэх мэдээлэл цацагдсантай холбоотойгоор ОХУ, Украины хурцадмал байдал намжаад байв. Харин өчигдөр Украин Улсын Ерөнхийлөгч Владимир Зеленский “Оросууд цэргээ татаагүй” гэж мэдэгдсэн юм.

Хиймэл дагуулаас авсан зурагт Оросын цэргийн баазаас холгүй цэргийн эмнэлэг байгаа нь “ОХУ дайнд бэлтгэж байгааг нотлох баримт” болж байгааг зарим олон улсын хэвлэл онцолж байна.