Бүгд Найрамдах Украин Улсын хилийн бүс орчимд ОХУ-ын 100 мянга гаруй цэрэг байрласан гэх асуудалтай холбоотойгоор Их Британийн Ерөнхий сайд Борис Жонсон "Нөхцөл байдал маш хурц болсон” хэмээн ОХУ-ын талд анхааруулсан. Тэгвэл уг мэдээллийн дараа “The Guardian” агентлаг ОХУ-аас дахин хэдэн мянган цэрэг Украины хил рүү илгээж байгаа талаар мэдэгджээ.

Их Британийн албаны хүмүүсийн тооцоолсноор тус бүр нь 800 орчим цэрэгтэй Оросын 14 батальон Украины хил рүү чиглэж байгаа аж. Албан эх сурвалжийн мэдээллээр өдгөө Украины хил дээр ОХУ-ын 150 мянга гаруй цэрэг цуглан хуарагнаад байна.