АНУ-ын Нью-Йорк хотод орших Хятад хороололд 35 настай Кристина Юна Ли арьс өнгөөр ялгаварлан гадуурхагчид хутгалуулж, амиа алджээ.

           “The New York Post” сонины олон нийтэд ил болгосон хяналтын камерын бичлэгт үндэслэн 25 настай Ассамад Нэш гэх эрэгтэй дээрх хэргийг үйлдсэн байж болзошгүй гэж үзэн шалгалтын ажиллагааг үргэлжлүүлж байна. Хяналтын камерын бичлэгт Кристина Юна Ли шөнийн 04:30 цагт гэр рүүгээ орох үед Ассамад Нэш гэгч араас нь дагаж алхсан аж. Харин үүнээс төд удалгүй Хятад хороололд эмх замбараагүй байдал үүсэж, 911-т хүн амины хэргийг тухай дуудлага өгчээ.

Нью-Йорк хотын цагдаа байгууллагын урьдчилсан шалгалтаар талийгаач Кристина Юна Ли өмнө нь хэд хэдэн удаа арьс өнгөөр ялгаварлагчдын гэнэтийн халдлагад өртөж, хүнд, хөнгөн шархдаж байсан талаар олон улсын хэвлэлүүд мэдээлж байна.