“Бээжин-2022” өвлийн олимпын наадамд үргэлжилж байна. Өвлийн олимпын XXIV наадмын уран гулгалтын багийн тэмцээн өнгөрсөн амралтын өдрүүдэд болж, өндөрлөсөн. Тэгвэл уран гулгалтын багийн тэмцээнд тэргүүлж, алтан медалийн болзол хангасан ОХУ-ын Олимпын хорооны багт медаль олгох үйл ажиллагааг допингтой холбоотой асуудлаар хойшлуулсан байж болзошгүй талаар олон улсын хэвлэлүүд мэдээлж байна. Эх сурвалжийн мэдээлснээр зургаан хүний бүрэлдэхүүнтэй ОХУ-ын Олимпын хорооны багийн нэг гишүүний допингийн шинжилгээний хариу эерэг гарсан байна.

            Тэгвэл нэрээ нууцалсан эх сурвалж “USA Today” агентлагт “ОХУ-ын Олимпын хорооны уран гулгагч Камила Валиевагаас допинг илэрсэн” гэж мэдээлсэн юм.

            Өдгөө 15 настай уран гулгагч Камила Валиевагийн шинжилгээнээс илэрсэн гэх триметазидин сэргээшийг “Цусны урсгал хурдасгаж, тэсвэр, тэвчээр нэмэгдүүлдэг” гэх шалтгаанаар 2014 онд Дэлхийн допингийн эсрэг агентлагаас хориглосон байдаг.

Эх сурвалж: USA Today