Дэлхийн 48 оронд хэрэглэж байгаа БНХАУ-ын синовак вакциныг “идэвхгүй” хэмээн тодорхойлсон судалгааны дүн “Nature Medicine” сэтгүүлд нийтлэгджээ.

            Уг судалгаагаар Йелийн болон Доминикан Улсын судлаачид синовак вакцины бүрэн тунд хамрагдсан 101 хүний цусны ийлдэст шинжилгээ хийсэн байна. Ийлдэст хийсэн шинжилгээний үр дүнг пфайзер вакцины бүрэн тунд хамрагдсан хүний цусны ийлдэстэй харьцуулахад маш бага бөгөөд “бараг эсрэг бие үүсгэдэггүй” болохыг тогтоожээ.

Судалгааны үр дүн, синовак вакцины талаар дээрх судалгааны багийн ахлах Акико Ивасаки, Зедтвицийн дархлаа судлалын профессор Вальдемар Вон нар “Синовак вакцины бүрэн тунд хамрагдсан хүмүүс омикрон хувилбарын эсрэг бие үүсгэхийн тулд өөр төрлийн хоёр вакциныг нэмэлтээр тариулах шаардлагатай” талаар нийтлэлийнхээ төгсгөлд дурдсан байна.