Номхон далайн өмнөд хэсэгт байрлах Хунга-Тонга-Хунга-Хаапай галт уул дэлбэрч, галт уулын дэлбэрэлтээс үүссэн цунами Номхон далайн орнууд, АНУ, Австрали, Япон, Тонгагийн арлуудыг дайрснаар хойш таван хоног өнгөрчээ. Австралийн яаралтай тусламжийн багийнхан Тонгагийн арлуудад очиж, түргэн тусламж үзүүлж эхэлсэн бөгөөд гурван хүний эрсэдсэн мэдээлэл бий.

            Тэгвэл Хунга-Тонга-Хунга-Хаапай галт уул дэлбэрэх үед Атата арлаас зугтаж, өөр арал руу сэлж очсон нэг нутгийн иргэний ярилцлагыг Тонгагийн “Broadcom FM” радиогоор олон нийтэд хүргэжээ. Атата арлын оршин суугч, хөгжлийн бэрхшээлтэй, тэтгэвэрт гарсан мужаан Лисала Фолау галт уулын дэлбэрэлтээс зугтаж, цунами болж байх үеэр зургаан метр өндөр давлагаан дундуур 13 километр сэлжээ. Лисала Фолау 24 цагийн турш тасралтгүй сэлж, аврал эрсээр Тонгатапу арал дээр очсон байна.