Номхон далайн өмнөд хэсэг байрлах Хунга-Тонга-Хунга-Хаапай галт уул дэлбэрч, дэлбэрэлтээс үүссэн цунами АНУ, Япон, Тонгагийн арлуудыг дайрсан. Галт уулын дэлбэрэлтийн улмаас Тонгагийн арлуудыг бусад улстай холбосон усан доорх кабель тасарч, цахилгаан сүлжээ тасарсан. Харилцаа, холбоо тасарсан Тонгагийн арлууд руу АНУ, Австралиас аврах баг илгээж, бодит байдалтай танилцаж, албан мэдээлэл хүлээж авсан байна.

            Хунга-Тонга-Хунга-Хаапай галт уулын дэлбэрэлт, цунами Тонгагийн арлуудын ихэнх барилга, байшинг нурааж, нэг аралд нь ердөө хоёрхон байшин үлдсэн аж. Гамшгийн улмаас гурван хүн амиа алдсан бөгөөд хоёр нь Тонгагийн арлуудын оршин суугч, нэг нь Их Британийн аялагч байжээ.

            Одоогийн байдлаар аврах ажиллагаа үргэлжилж байгаа бөгөөд галт уулаас үнс нуурсаар байгаа учир зарим газарт яаралтай тусламж үзүүлэхэд хүндрэлтэй байгаа аж.