Казахстан Улсад эсэргүүцлийн жагсаал эхэлж, үймээн дэгдсэнтэй холбоотойгоор энэ сарын 5-нд онц байдал зарласан. Тэгвэл тус улсын Ерөнхийлөгчийн Тамгын газраас зарласан онц байдлын хугацаа дуусаж, онц байдлаа цуцалсан байна.

           Хот хоорондын зам, тээвэр, иргэдийн хөдөлгөөнийг хязгаарласан онц байдлаа цуцалсан талаар Ерөнхийлөгчийн хэвлэлийн төлөөлөгч Берик Уали “Казахстан дэр иргэдийн аюулгүй байдал, дэг журмыг хангасан” гэж мэдэгджээ.

19 сая хүн амтай Казастан Улсад шатахууны үнэ нэмэгдсэнийг эсэргүүцсэн жагсаал тус улсын баруун нутгийн жижиг хотуудаар нэгдүгээр сарын 2-нд эхэлсэн аж. Албан мэдээллээр Казахстанд болсон үймээний үеэр 4300 хүн шархдаж, 220 гаруй хүн амиа алдсан байна. Одоо үймээн дэгдсэн Мангистау муж, Алматы хотод үймээн зогсож, эргээд хэвийн амьдралдаа шилжсэн аж.