Номхон далайн өмнөд хэсэгт орших Хунга-Тонга-Хунга-Хаапай галт уул дэлбэрч, дэлбэрэлтийн үүссэн цунами АНУ, Япон, Тонгагийн арлуудыг дайрчээ. Галт уулс дэлбэрсний улмаас Номхон далайн арлуудыг хүхэрлэг үнс бүрхэж, цахилгаан, харилцаа холбоо тасраад байгаа.

           Одоогийн байдлаар галт уулсын дэлбэрэлттэй холбоотойгоор нас барсан тохиолдол бүртгэгдээгүй байгаа ч, Олон улсын нийгэмлэгүүдийн холбооноос “Галт уулын дэлбэрэлтэд 80 мянган хүн өртсөн байж болзошгүй” гэх мэдээлэл өгөөд байна. Номхон далайн Тонга арлаас 2383 км-ийн зайд орших галт уулын дэлбэрэлт Шинэ Зеландад сонсогдсон талаар иргэд мэдээлж байна.

Хамгийн сүүлчийн мэдээллээр харилцаа холбоо тасарсан Тонга арлууд руу Шинэ Зеланд, Австралийн холбогдох байгууллагаас хохирлын хэмжээг тогтоолгох яаралтай тусламжийн онгоц илгээгээд байгаа юм.