Цар тахлын нөхцөл байдал болон шинэ төрлийн омикрон хувилбарын тархалттай холбоотойгоор БНХАУ хилийн хориг тогтоогоод байгаа. Тэгвэл энэ талаар Нью-Йоркт төвтэй “Goldman Sachs” группээс БНХАУ-ын хилийн хориг 2022 он дуустал үргэлжилж болзошгүй талаар анхааруулсан байна.

          “Goldman Sachs” группийн шинжээчдийн тэмдэглэлд “БНХАУ 2022 онд өвлийн олимп болон улстөрийн хэд хэдэн томоохон арга хэмжээг зохион байгуулах тул хилийн хатуу хоригоо бүтэн жилийн турш үргэлжлүүлж болзошгүй”-г онцолжээ. Мөн дотоодын “Синовак” үйлдвэрийн коронавирусийн вакцин омикрон хувилбарын эсрэг бага нөлөө үзүүлж байгаа нь үүнд нөлөөлж байгаа аж.