Коронавирусийн шинэ төрлийн Омикрон хувилбарын тархалт эрчимжиж байгаатай холбоотойгоор олон улсад үйлчилгээ үзүүлдэг агаарын тээврийн компаниуд 7500 гаруй нислэгээ цуцалжээ. Нислэг цуцлагдсан тохиолдлын олонх нь зорчигчийн коронавирусийн шинжилгээний хариу эерэг гарсан, зорчих гэж байгаа улсад нь Омикрон хувилбар тархсантай холбоотой аж.

           Тэгвэл зөвхөн өчигдрийн хэмжээнд дэлхий дахинд 2400 гаруй агаарын тээврийн нислэг цуцлагдсан байна. Харин үүний 800 гаруй нь АНУ руу зорчих, ирэх нислэг байсан бөгөөд АНУ-д Омикрон хувилбар зонхилж байгаатай холбоотойгоор цуцлагдсан юм.