Авлига, албан тушаалын хэргээр ялж эдэлж байгаа БНСУ-ын Ерөнхийлөгч асан Пак Гын Хэд өршөөл үзүүлэхээр болсон талаар тус улсын Хууль зүйн сайд Пак Бем Ки мэдээлэв.

БНСУ-ын анхны эмэгтэй Ерөнхийлөгч Пак Гын Хэг тус улсын дээд шүүхээс “Эрх мэдлээ хэтрүүлэн ашигласан, авлигал болон албадлагын гэмт хэрэгт буруутай” хэмээн үзэж, 2017 онд Ерөнхийлөгчийн суудлаас огцруулж, 30 жилийн хорих ял, 20 тэрбум вонын торгууль оноосон. Харин давж заалдах шүүх хурал энэ оны нэгдүгээр сард болж, түүний 30 жилийн хорих ялаас зургаан жилийг, 20 тэрбум вонын торгуулиас хоёр  тэрбум воныг хасаж, 18 тэрбум вонын торгууль ногдуулсан билээ.

БНСУ-ын Хууль зүйн сайдын мэдэгдсэнээр цар тахалтай холбоотойгоор үүссэн хүндрэлийн эсрэг эв нэгдлийг дэмжих зорилгоор өршөөлд хамрагдах хүмүүсийн жагсаалтыг гаргасан байна.