Эрдэмтэд БНХАУ-ын нутаг дэвсгэрээс үр хөврөлөө маш сайн хадгалсан 66 сая жилийн настай үлэг гүрвэлийн өндөг олжээ.

          Овиропторозавр буюу шүдгүй теропод үлэг гүрвэл гэдгээрээ хүн төрөлхтний танил болсон уг төрлийн 66 сая жилийн настай өндгөн доторх үр хөврөлийг Baby Yingliang гэж нэрлэсэн гэнэ. Үр хөврөл толгойноос сүүл хүртлээ 27 см урттай бөгөөд өндөгнийх нь хэмжээ 6.7 инч аж.

          Энэ талаар судлаач, доктор Фион Вайсум Ма “Хүн төрөлхтний түүхэнд олдсон хамгийн шилдэг үлэг гүрвэлийн үр хөврөл” гэж мэдэгджээ. Одоогоор Baby Yingliang үр хөврөлийг БНХАУ-ын Yingliang байгалийн түүхийн музейд хадгалж байгаа юм.