Коронавирусийн шинэ төрлийн Омикрон хувилбарын тархалт эрчимжиж байгаатай холбоотойгоор Израиль Улс  “Коронавирусийн вакцины дөрөв дэх тунг нэвтрүүлсэн анхны улс болох төлөвлөгөөтэй байгаа” талаараа мэдэгджээ.

          Израиль Улсад өнгөрсөн өдөр Омикрон хувилбарын улмаас нас барсан анхны тохиолдолд бүртгэгдсэн. Үүнтэй холбоотойгоор коронавирусийн вакцины дөрөв дэх тунг тарих эрдэмтдийн саналыг Израилийн Ерөнхий сайд Нафтали Беннетт хүлээн авч, төлөвлөгөө гаргаж, бэлтгэл ажлыг эхлүүлэхийг албаныханд үүрэг болгожээ.

Коронавирусийн вакцины дөрөв дэх тунг Израиль Улсад 60-аас дээш насныхан болон халдвар улаан бүсэд ажиллаж байгаа эмч, эрүүл мэндийн ажилтнуудад тарих юм.