Коронавирусийн эсрэг вакцинжуулалт эрчимжиж, хөл хорио, хязгаарлалтын дэглэм суларснаар БНСУ-д ажилгүйдлийн түвшин буурч байна.

Өнгөрсөн аравдугаар сарын байдлаар тус улсын хэмжээнд ажилгүйдлийн түвшин 3.2 хувь байжээ. Тэгвэл арваннэгдүгээр сард 3.1 хувь болсон аж.

Мөн энэ онд БНСУ дахь ажил эрхлэлт өнгөрсөн 2020 оны мөн үеэс 553 мянгаар нэмэгдэж, ес дэх сардаа дараалан өсөөд байгаа юм. Гэсэн ч ирэх 2022 онд хөдөлмөрийн зах зээл эргэн тогтворгүй байдалд шилжих эрсдэлтэй байгааг судлаачид анхааруулсан байна.