Шинэ Зеланд Улс 2050 он гэхэд үндэстний хэмжээний тамхидалтыг таван хувь хүртэл бууруулах зорилтынхоо хүрээнд 2008 оноос хойш төрсөн иргэддээ бүх насаар нь тамхи худалдаалахгүй байх шийдвэр гаргажээ. Энэ талаар тус улсын Эрүүл мэндийн сайд Айеша Вералл “Шинэ Зеланд Улс залуусаа хэзээ ч тамхи татахгүй байхыг хүсэж байна” гэсэн байна.

          2008 оноос хойш төрсөн иргэддээ бүх насаар нь тамхи худалдаалахгүй байх хуулийн төсөл нь ирэх 2022 онд батлагдах аж. Уг шийдвэрийн Шинэ Зеланд Улсын эмч болон эрүүл мэндийн салбарын мэргэжилтнүүд тамхины хүртээмжийг бууруулах, никотины хэмжээг хязгаарлах асуудалд “дэлхийд тэргүүлэх шинэчлэл” хийсэн гэж сайшааж байгаа юм.