Японы эрдэмтдийн хийсэн шинэ судалгаагаар коронавирусийн шинэ төрлийн Омикрон хувилбар нь Дельта хувилбараас 4.2 дахин хурдан халдварладаг болохыг тогтоожээ. Үүнд Кёотогийн их сургуулийн эрүүл мэнд, байгаль орчны шинжлэх ухааны профессор Хироши Нишимүра Өмнөд Африкийн Гаутенг мужид ажилласан геномын мэдээлэлд дүн шинжилгээ хийсэн байна.

          Энэ талаар Хироши Нишимүра “Омикрон хувилбар нь бусад хувилбараас илүү их тархах чадвартай, байгалийн болон вакцинаар үүдсэн дархлаанаас зугтдаг” гэж мэдэгджээ. Мөн Японы эрдэмтэд пфайзер вакцины бүрэн тунд хамрагдсан хүний бие дэх эсрэг биетийг коронавирусийн Омикрон хувилбар 25 хувиар бууруулж байгааг тогтоосон байна.