Дэлхийн эрүүл мэндийн байгууллагаас коронавирусийн шинэ төрлийн Омикрон хувилбар дэлхийн нийт 57 оронд албан ёсоор бүртгэгдээд байгаа талаар мэдээллээ.

ДЭМБ-ын эпидемиологийн тайланд коронавирусийн Дельта хувилбар одоог хүртэл Европ, АНУ-д давамгайлж байгааг харуулж, Омикрон хувилбарын нөлөөг дүгнэхэд арай эрт байгаа талаар онцолсон байна.

Шинжилгээгээр пфайзер вакцины нэмэлт тун Омикрон хувилбараас хамгаалж байгааг илрүүлжээ. Мөн тус вакциныг үйлдвэрлэгч “Пфайзер/БиоНТех” компаниас шаардлагатай бол 2022 оны гуравдугаар сард Омикронд суурилсан шинэ төрлийн вакцин гаргаж өгөх талаар мэдээлээд байгаа.

Эх сурвалж: The Guardian