Мьянмарын Засгийн газрын тэргүүн асан Аун Сан Су Чид зэвсэгт хүчинд хагарал үүсгэж, цар тахлаас сэргийлэх журмыг зөрчсөн хэргээр дөрвөн жилийн хорих ял оноожээ.

          Өдгөө 76 настай Аун Сан Су Чи Мьянмарын цэргийн хүч төрийн эргэлт хийхээс өмнө Засгийн газрыг удирдаж байсан. Харин өнгөрсөн хоёрдугаар сарын 1-нд цэргийнхэн төрийн эргэлт хийж, Аун Сан Су Чиг хорьсон билээ.

          Цэргийнхэн Аун Сан Су Чиг импорт, экспортын хууль, байгалийн гамшгийн үр дагаврыг арилгах тухай хэд хэдэн хууль зөрчсөн гэж буруутгаж, хоёр зүйл анги тус бүрээр хоёр жил буюу нийт дөрвөн жилийн хорих ял оноосон байна.

Эх сурвалж: AFP