АНУ-ын Лос Анжелес хотод байрлах Степлес Центр цэнгэлдэх хүрээлэнг зул сарын баярын үеэр Crypto.com Arena гэж нэрлэхээр болсон талаар холбогдох албаныхан мэдэгджээ.

Сингапурт төвтэй криптовалютын бирж AEG  буюу Crypto.com нь Степлес цэнгэлдэхэд нэр өгөх 20 жилийн хугацаанд үргэлжлэх эрхийг 700 сая ам.доллароор худалдан авсан талаар “Лос Анжелес таймз” сонинд эх сурвалж мэдээлсэн байна. Улмаар 700 сая ам.долларын үнэтэй уг наймаа спортын түүхэн дэх хамгийн үнэтэй наймаа болж байгаа юм.

           AEG криптовалютын бирж Степлес Центрээс гадна Лондон дахь THE O2, Берлин дэх Mercedes Platz зэрэг томоохон арга хэмжээ, спортын наадам зохион байгуулдаг хэд хэдэн цэнгэлдэх хүрээлэнг худалдан аваад байна. Тэгвэл саяхан нэрийг нь солих эрхийг худалдаж авсан Лос Анжелес дахь Степлес Центрийн нэр, гадна, дотор бүх тэмдгийг 2022 оны зургадугаар сар гэхэд сольж дуусгахаар ажиллаж байгаа аж.