БНХАУ-ын ӨМӨЗО-ы Шилийн гол аймгийн Эрээн хотод коронавирустэй холбоотойгоор өнгөрсөн сараас зургаан бүсэд хатуу хөл хорио тогтоож, 84 бүсийг хязгаарлаад байсан. Тэгвэл өчигдөр Эрээн хотод хатуу хөл хориог цуцлав шийдвэр гарсан байна.

          Аравдугаар сарын 13-нд Замын-Үүд-Эрээн боомтод ажиллаж байсан нэг хүнээс коронавирусийн халдвар илэрснээр боомтын үйл ажиллагааг зогсоож, хөл хорио тогтоосон. Тэгвэл Эрээн хотод өнгөрсөн амралтын өдөр нэг тохиолдол бүртгэгдэж, нийт 19 тохиолдол бүртгэгдээд байгаа юм. Харин халдвар авсан хүний олонх нь эдгэж эмнэлгээс гарсан бол одоогийн байдлаар таван хүн хэвтэн эмчлүүлж байгаа аж.