АНУ-ын томоохон сэтгүүлүүдийн нэг болох “Vanity Fair”-т нийтлэгдсэн нэгэн нийтлэлд АНУ-ын санхүүжилтээр БНХАУ-д коронавирусийн тархах чадварыг сайжруулах туршилт хийж байсан тухай баримт дэлгэжээ.

Тухайлбал, АНУ-ын Харшил, халдварт өвчин судлалын үндэсний хүрээлэнгийн захирал, Ерөнхийлөгчийн эрүүл мэндийн ахлах зөвлөх Энтони Фаучи Конгрессийн гишүүдэд захидал явуулах үеэр дээр туршилтын талаар дурдсан байна.

Захидалд:

“АНУ-ын Харшил, халдварт өвчин судлалын үндэсний хүрээлэн болон Нью-Йорк хотод төвтэй “EcoHealth Alliance” ТББ хамтарч, анх сарьсан багваахайнаас үүссэн гэх коронавирусийн халдварын тархах чадварыг сайжруулах туршилт АНУ-ын санхүүжилтээр БНХАУ-ын Ухань хотын Вирус судлалын хүрээлэнд хийж байсан. Гэсэн ч туршилт эрдэмтдийн хүсээгүй үр дүнд хүрлээ” хэмээсэн байна.

          Одоогийн байдлаар коронавирусийн гарал үүслийн бодит үнэн болон яагаад дээрх туршилтыг явуулж байсан нь тодорхойгүй байгаа юм.