• Өнөөдөр 2024-05-17

Афганистанд хуримынхаа үеэр хөгжим тавьсан шинэ гэр бүл рүү халджээ

2021-11-01,   430

Исламын Бүгд Найрамдах Афганистан Улсын Нангархар хуримын ёслолынхоо үеэр хөгжим тавьсан шинэ гэр бүл рүү өөрсдийгөө талибууд гэж танилцуулсан гурван этгээд халдсаны улмаас хоёр хүн амиа алдаж, 10 орчим хүн шархаджээ.

Хурим хийсэн залуу гэр бүл орон нутгийн Талибаны удирдагчдаас зөвхөн эмэгтэйчүүдийн хэсэгт хөгжим тавих зөвшөөрлөө авсан байсан гэнэ.

          Хуримын ёслолын үеэр галт зэвсгээр зэвсэглэсэн этгээдүүд үдэшлэг рүү дайран орж, хөгжмийн төхөөрөмжийг эвдэлж, зочид руу гал нээсэн байна. Уг үйл явдлын дараа дээрх халдлагыг үйлдсэн гурван этгээдийн хоёрыг нь баривчилжээ.

          Өмнөх Талибаны дэглэм буюу Талибан хөдөлгөөн Афганистаныг удирдаж байсан 1996-2001 онд талибуудын дэглэмд дуу, хөгжим сонсохыг хориглосон хууль хэрэгжиж байсан. Харин сая болж өнгөрсөн халдлагын талаар Талибаны Засгийн газрын Соёл, мэдээллийн дэд сайд Забиулла Мужахид албан ёсны цахим хуудастаа “Халдлага үйлдсэн этгээдүүд Талибаны нэрийг барьсан байсан. Тэд хувийн өш хонзонгийнхоо улмаас уг хэргийг үйлдсэн” гэж тайлбарлажээ.

 

Эх сурвалж: BBC


Афганистанд хуримынхаа үеэр хөгжим тавьсан шинэ гэр бүл рүү халджээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.