Япон Улсын нийслэл Токио хотод өнгөрсөн амралтын өдөр буюу сүнсний баяраар Кейо Лайн метронд комик номын Жокерийн дүрд хувирсан этгээд 17 хүнийг хутгалж, шархдуулжээ. Өөрийгөө Киота Хаттори гэж танилцуулсан 24 настай эрэгтэйд хутгалуулсан 17 хүний эмнэлэгт хүргэгдэж, нэгийнх нь биеийн байдал хүнд байгаа бол хэрэгтний цацсан хорт утаанд 16 хүн хордсон байна.

          Хэрэгтэн Киота Хаттори хэргийнхээ талаар “Хүн хөнөөж, цаазаар авах ял авахыг хүссэн” гэж тайлбарласан байна. Харин Кейо Лайн метронд байсан нэгэн зорчигч хэргийн талаар “Би хутга нь хуурамч цустай, сүнсний баярын үзүүлбэр болж байна л гэж бодсон. Гэхдээ үгүй. Энэ хэрэг сүнсний баярыг жинхэнэ утгаар нь аймшигтай болголоо” хэмээжээ.

Мөн цагдаагийн байгууллагын мөрдөн шалгаж, хэрэгтэн Киота Хатториг өнгөрсөн наймдугаар сард Токиогийн Одакюгийн метронд 10 хүн хутгалж, хөнөөснийг илрүүлсэн байна.

Эх сурвалж: Kyodo News