Бүгд Найрамдах Судан Улсын цэргийн хүч төрийн эргэлт хийж, Засгийн эрхийг авснаас үүдэн нийслэл Хартум хотод эмх замбараагүй байдал үүсээд байгаа. Хамгийн сүүлчийн мэдээллээр төрийн эргэлтийн үеэр 10 гаруй хүн амиа алдаж, 200 орчим хүн шархадсан.

Тэгвэл төрийн эргэлт хийсэн талаар Суданы армийн удирдагч, генерал Абдел Фаттах аль-Бурхан “Иргэний дайн гарахаас сэргийлж, Засгийн эрхийг гартаа авлаа” хэмээн мэдэгджээ. Өмнөх Засгийн газрын тэргүүн Абдалла Хамдокийг армийн удирдагчийн гэрт хорьж байгаа аж.

Суданд үүсээд байгаа эмх замбараагүй байдал, төрийн эргэлттэй холбоотойгоор АНУ-аас үзүүлэх 700 сая ам.долларын тусламжаа зогсоожээ. Үүнтэй холбоотойгоор Европын холбоо ч тусламжаа зогсоохыг анхааруулж, өмнөх Засгийн газрыг эргэн ажилд нь оруулахыг шаардаад байгаа.

Өчигдөр НҮБ-аас АНУ, Их Британи, Франц, Ирланд, Норвег, Эстони яаралтай хуралдахыг хүсэж, НҮБ-ын Аюулгүйн зөвлөл Суданы асуудлаар хаалттай хуралдсан юм.

Эх сурвалж: BBC