Дэлхийн эрүүл мэндийн байгууллагаас коронавирусийн эсрэг вакцины шударга бус хуваарилалтыг шүүмжлэх үеэрээ цар тахлын цаг үе эмч, эмнэлгийн ажилтнуудад илүү хүнд тусаж байгааг онцолсон байна.

Дэлхийд ойролцоогоор 135 сая эмч, эмнэлгийн ажилтан байдаг. Үүнээс таван эмч, эмнэлгийн ажилтан тутмын хоёрт нь л коронавирусийн эсрэг вакцин хүрч байгаа юм.

Энэ талаар ДЭМБ-ын тэргүүн Тедрос Адханом Гебрейес “Ковид-19” цар тахал эрүүл мэндийн салбарынханд ноцтой нөлөөлсөн. Дэлхийн хэмжээнд ойролцоогоор 80-180 мянган эмч, эмнэлгийн ажилтан коронавирусийн улмаас амиа алдсан. Коронавирусийн вакциныг ядахнаа эмч, эмнэлгийн ажилтнуудад хүрэлцээтэй болгох ёстой” хэмээн шүүмжилж хэлжээ.

Эх сурвалж: BBC