Бүгд Найрамдах Ардчилсан Солонгос Ард Улс Япон Улсын эргийн ойролцоох ус руу баллистик пуужин харвасан талаар Бүгд Найрамдах Солонгос Улсын армиас мэдээлжээ. Эх сурвалжийн мэдээлснээр Хойд Солонгос баллистик пуужин харвасан нь Сөүлд Япон, Өмнөд Солонгос, АНУ-ын Тагнуулын албаны дарга нар уулзаж, Хойд Солонгосын асуудлаар хэлэлцэж байгаатай холбоотой аж.

Хойд Солонгос сүүлчийн хэдэн долоо хоногийн турш хэт авианы болон холын тусгалтай далавчит пуужин, агаарын довтолгооны эсрэг зэвсгийн туршилт эхлүүлсэн. НҮБ-аас Хойд Солонгосыг баллистик пуужин, цөмийн зэвсэг туршихыг хориглож, хатуу хориг арга хэмжээ авсан ч зэвсгийн хөтөлбөрөө үргэлжлүүлж байгаа юм.

Бүгд Найрамдах Ардчилсан Солонгос Ард Улсын удирдагч Ким Жон Ун өнгөрсөн долоо хоногт “Дахин Солонгосын хойгт дайн дэгдэхийг хүсэхгүй байна. Гэвч АНУ-аас өөрсдийгөө хамгаалахын тулд үргэлжлүүлэн зэвсэг үйлдвэрлэх шаардлагатай” хэмээн мэдэгдсэн байна.

Эх сурвалж: BBC