БНХАУ-ын Шаньси мужийн Тайюань хиймэл дагуул хөөргөх төвөөс Бээжингийн цагаар аравдугаар сарын 14-ний 18:51 цагт Хятадын анхны нарны судалгааны хиймэл дагуул хөөрчээ. Уг хиймэл дагуулыг Long March-2D гэх пуужингаар хөөргөсөн бөгөөд хиймэл дагуул төлөвлөсөн тойрог замдаа амжилттай орсон байна.

Хиймэл дагуулын хамт агаар мандлын нягтралыг илрүүлэх, цаг уурын судалгааны зэрэг 10 жижиг хиймэл дагуул мөн ижил пуужин ашиглан сансарт илгээсэн аж. Энэ удаагийн Тайюань хиймэл дагуул хөөргөх төвөөс хөөргөсөн хиймэл дагуулын үйл ажиллагаа Long March пуужингаар хөөргөсөн 391 дэх даалгавар болжээ.

Эх сурвалж: Xinhua