АНУ-ын тэнгисийн цэргийн цөмийн хөдөлгүүрт шумбагч хөлөг онгоцны технологийг гаднын орны Засгийн газарт зарахыг завдсан америк хосууд баривчлагджээ.

Зэвсгийн технологийг зарах хэрэгт холбогдсон 45 настай инженер Жонатан Тоббе нь өнгөрсөн 2020 оны дөрөвдүгээр сард цөмийн хөдөлгүүрт шумбагч онгоцны технологийн тухай нууц баримт бичгийг гаднын нэгэн орны Засгийн газрын төлөөлөгч рүү илгээж, хамтрах санал тавьсан байна. Харин Жонатан Тоббегийн явуулсан захидлыг АНУ-ын Холбооны мөрдөх товчооны тусгай төлөөлчг хүлээн авсан аж.

Жонатан Тоббе болон түүний гэргий Диана Тоббе нар өнгөрсөн амралтын өдөр цөмийн хөдөлгүүрт шумбагч онгоцны технологийн талаарх нууц мэдээллийг талхны завсар хавчуулж, дамжуулах гэж байгаад үйлдэл дээрээ баригдсан юм.

Эх сурвалж: BBC