Исламын Бүгд Найрамдах Пакистан Улсын Балужистан мужид өнөөдөр өглөө газар хөдөлсний улмаас 20 хүн амиа алдсан талаар тус улсын Гамшгийн менежментийн албаныхан мэдэгджээ. Рихтерийн анх хэмжигдэхүүнээр газар хөдлөлтийн хүчийг 5.7 магнитудын хүчтэй байж болзошгүй гэж үзсэн байна.

          Газар хөдлөлтийн үед томоохон барилга, байгууламж нь нурсны улмаас олон хүн амиа алдсан аж. Амиа алдагсдын олонх нь эмэгтэйчүүд, бага насны хүүхэд байжээ. Балужистан мужид болсон газар хөдлөлтийн улмаас 150 гаруй хүн шархдаж, биеийн байдал нь муудсан иргэдийг эмнэлэгт хүргэжээ. Исламын Бүгд Найрамдах Пакистан Улсын Балужистан мужид эрэн хайх, аврах ажиллагаа үргэлжилж байгаа юм байна.

Эх сурвалж: BBC