Дэлхий даяар “Фэйсбүүк”-ийн сүлжээ 6.5 цаг гаруй хугацаанд тасалдаж, АНУ-ын цагаар 16:00 цагт “Фэйсбүүк” сүлжээ доголдож, 22:00 цагийн үед эргээд хэвийн болжээ. Тэгвэл гэнэтийн сүлжээний тасалдлаас үүдэн “Фэйсбүүк”-ийн үүсгэн байгуулагч, тэрбумтан Марк Зукерберг 6.9 тэрбум ам.долларын алдагдал хүлээжээ.

Энэ талаар “Forbes” сэтгүүлийн албан ёсны цахим хуудасны тэрбумтнуудын буланд АНУ-ын цагаар 21:56 цаг гэхэд “Фэйсбүүк” компанийн хувьцаа 5.59 хувиар унасан байгаа юм. Гэнэтийн сүлжээний доголдлоос үүдэн компанийнх нь хувьцаа унаж, алдагдал хүлээсэн Марк Зукерберг дэлхийн хамгийн баян хүмүүсийн жагсаалтын дөрөвдүгээр байраас зургадугаар байр руу унасан байна.

Эх сурвалж: Bloomberg