Исламын Бүгд Найрамдах Афганистан Улсаас АНУ өнгөрсөн тавдугаар сарын 1-нээс эхлэн цэргүүдээ татаж эхэлсэн. АНУ-ын Ерөнхийлөгч Жо Байден өнгөрсөн наймдугаар сарын 19-нд телевизэд ярилцлага өгөх үеэрээ “Хэн ч Афганистанд цэргүүдээ үлдээх талаар зөвлөж байгаагүй” гэж мэдэгдэж байсан юм. Тэгвэл АНУ-ын генерал Марк Милли, Фрэнк Маккензи нар цэргүүдээ бүрэн татахаас өмнө Афганистанд 2500 цэрэг үлдээхийг зөвлөж байсан тухай мэдээлжээ.

Тухайлбал, Афганистанаас АНУ-ын цэргийн хүчийг гаргах ажиллагааг хариуцаж явуулсан АНУ-ын Төв командлалын тэргүүн, генерал Фрэнк Маккензи Сенатын хуралд оролцох үедээ Афганистанд 2500 цэрэг үлдээхийг зөвлөсөн байна. Уг саналыг генерал Марк Милли ч дэмжиж байсан аж.

Тэгвэл Цагаан ордны хэвлэлийн төлөөлөгч дээрх асуудалтай холбоотойгоор “Ерөнхийлөгч Штабын дарга, цэргийн удирдагчдын зөвлөгөөг чухалчилдаг. Гэсэн ч үргэлж санал нэгдэнэ гэсэн үг биш” гэж мэдэгджээ.